Mehboobe Kibriya Se Mera Salaam Kehna
Mehboobe Kibriya Se Mera Salaam Kehna
Sultane Ambiya Se Mera Salaam Kehna
Tujh Par Khuda Ki Rehmat Aye ‘Aazame Madina
Noore Muhammadi Se Raushan Ho Tera Seena
Jab Saahile Arab Par Pohche Tera Safeena
Us Waqt Sar Jhuka Kar Lillah Ba Kareena
Mehboobe Kibriya Se Mera Salaam Kehna
Sultane Ambiya Se Mera Salaam Kehna
Saahil Pe Aate Aate Maujon Ko Choom Lena
Maujon Ke Baad Dilkash Zarron Ko Choom Lena
Is Paak Sar Zameen Ke Raahon Ko Choom Lena
Phoolon Ko Choom Lena Kaanton Ko Choom Lena
Phir Noore Wadduha Se Mera Salaam Kehna
Mehboobe Kibriya Se Mera Salaam Kehna
Sultane Ambiya Se Mera Salaam Kehna
Raahe Talab Ki Lazzat Jab Qalb Ko Maza De
Ishqe Nabiye Mursal Jab Rooh Ko Jilaa De
Jab Soze Aashiqana Jazbaat Ko Jagaa De
Hastee Ka Zarra Zarra Jab Aah Ki Sadaa De
Aalam Ke Dilruba Se Mera Salaam Kehna
Mehboobe Kibriya Se Mera Salaam Kehna
Sultane Ambiya Se Mera Salaam Kehna
Darbaare Mustafa Ki Haasil Ho Jab Huzoori
Peshe Nazar Ho Jis Dam Baargahe Noori
Jab Rooh Ko Sukoon Ho Mit Jaaye Fikre Doori
Deedare Mustafa Ki Jab Ho Aarzoo Poori
Wash-shams Ki Ziya Se Mera Salaam Kehna
Mehboobe Kibriya Se Mera Salaam Kehna
Sultane Ambiya Se Mera Salaam Kehna
Rauze Ki Jaaliyon Ke Jis Dam Kareeb Jaana
Sultane Ambiya Se Mera Salaam Kehna
Ro Ro Ke Haale Muslim Sarkaar Ko Sunana
Be Saakhta Machalna Joshe Junoon Dikhana
Seene Mein Bhi Basaana Aankhon Mein Bhi Basaana
Phir Noore Haqnuma Se Mera Salaam Kehna
Mehboobe Kibriya Se Mera Salaam Kehna
Sultane Ambiya Se Mera Salaam Kehna
Ba Sad Adab Ye Kehna Haadi E Mukarram
Aye Shafaqat Mukammal Aye Rehmate Mujassam
Teri Nazar Nazar Par Qurbaan Har Do Aalam
Shaariq Gareeb Shaariq Ye Keh Raha Tha Paiham
Sardaare Do Jahaan Se Mera Salaam Kehna
Mehboobe Kibriya Se Mera Salaam Kehna
Sultane Ambiya Se Mera Salaam Kehna