Chaman Ke Mast Nazaare Salaam Kehte Hain

Falak Ke Chand Sitaare Kehte Hain

Tumhari Zaate Giraami Se Jo Mile Hum Ko

Wahi Haseen Sahaare Kehte Hain

Zara Idhar Bhi Nigaahe Karam Ki Ek Jumbish

Ke Tum Ko Dard Ke Maare Kehte Hain

Zahe Naseeb Madina Bhi Aaj Peshe Nazar

Nigaah Wa Qalb Humare Kehte Hain

Kabhi Zabaan Pe Salle ‘Ala Ke Nagme Hain

Kabhi Khamosh Ishaare Kehte Hain

Tumhare Chaand Se Rukh Ki Hai Jot Aalam Mein

Seher Mein Noor Ke Dhaare Kehte Hain

Tumhara Zikr Hua Kainaat Wajd Mein Hai

Jo Hain Ghulaam Tumhare Kehte Hain

Baras Rahi Hai Ghataaon Ki Shakl Mein Rehmat

Jinaa(n) Badosh Nazaare Kehte Hain

Ataa Ho Dil Ki Sadaa Ko Qubooliyat Ka Sharaf

Adab Se Aankh Ke Taare Kehte Hain

Khuda Ne Tum Ko Banaya Hai Maalike Kaunain

Jahaan Ke Raaj Dulhare Kehte Hain

Zahe Naseeb Ke Taiba Ke Reh Guzaaron Ko

Hum Aise Dard Ke Maare Kehte Hain

Naseem Khake Dare Mustafa Ko Kya Kahiye

Ke Isko Chaand Sitaare Kehte Hain

1 thought on “Chaman Ke Mast Nazaare Salaam Kehte Hain”