Bohot Din Ho Gaye Taiba Ke Raste Dekh To Aaye Naat Lyrics
naatsharifMarch 1, 2016Ujaagar
Bohot Din Ho Gaye Taiba Ke Raste Dekh To Aaye
Chalo Us Shehr Ko Ik Baar Phir Se Dekh To Aaye
Utar Jaayegi Mehroomi Ki Chaadar Shehre Taiba Mein
Chamak Uthenge Qismat Ke Sitaare Dekh To Aaye
Judaayi Ke Dhulenge Naqsh Gehre Dil Ki Takhti Se
Chadhega Range Qurbat Wo Nazaare Dekh To Aaye
Usi Din Aarzuon Ke Khandar Mein Raushni Hogi
Dare Sarkaar Ke Raushan Ujaale Dekh To Aaye
Huzoori Ki Woh Pehli Pehli Saa’at Khoob Rulaati Hai
Nigaahon Ko Ussi Dar Ki Talab Hai Dekh To Aaye
Haseen Palkhon Ka Chilman Kholenge Jaa Kar Madine Mein
Sadaa Aankhon Mein Rakhenge Woh Jalwe Dekh To Aaye
Mehekti Khushbuen Khud Hi Pata Us Shehar Ka Dengi
Ujaagar Uttho Himmat Karlo Chal ke Dekh To Aaye