AY SHAHANSHAAH-E-MADINA AS SALAATU WAS SALAAM LYRICS
Ay Shahanshah-e-Madina As Salaatu Was Salaam
Zeenat-e-‘Arsh-e-Mu’alla As Salaatu Was Salaam
‘Rab’bi Hab-li Ummati’ Kehte Huwe Paida Huwe
Haq Ne Farmaaya Ke Bakhsha As Salaatu Was Salaam
Dast Basta Sab Farishte Par’hte Haiñ Un Par Durood
Kyuñ Na Ho Phir Wird Apna As Salaatu Was Salaam
Momino! Par’hte Nahiñ Kyuñ Apne Aaqa Par Durood
Hai Farishtoñ Ka Wazifa As Salaatu Was Salaam
But Shikan Aaya Ye Keh Ke Sar Ke Bal But Gir Gaye
Jhoom Kar Kehta Tha Kaa’ba As Salaatu Was Salaam
Sar Jhuka Kar Baa Adab ‘Ishq-e-Rasoolullah Meiñ
Keh Raha Tha Har Sitaara As Salaatu Was Salaam
Ghunche Chat’ke Phool Mahke Chehchaha-en Bulbuleñ
Gul Khila Baagh-e-Ahad Ka As Salaatu Was Salaam
Maiñ Wo Sunni Huñ JAMEEL-E-QAADIRI Marne Ke Ba’ad
Mera Laasha Bhi Kahega As Salaatu Was Salaam
Popular Posts
