Chaman Ke Mast Nazaare Salaam Kehte Hain

Falak Ke Chand Sitaare Salaam Kehte Hain

Tumhari Zaate Giraami Se Jo Mile Hum Ko

Wahi Haseen Sahaare Salaam Kehte Hain

Zara Idhar Bhi Nigaahe Karam Ki Ek Jumbish

Ke Tum Ko Dard Ke Maare Salaam Kehte Hain

Zahe Naseeb Madina Bhi Aaj Peshe Nazar

Nigaah Wa Qalb Humare Salaam Kehte Hain

Kabhi Zabaan Pe Salle ‘Ala Ke Nagme Hain

Kabhi Khamosh Ishaare Salaam Kehte Hain

Tumhare Chaand Se Rukh Ki Hai Jot Aalam Mein

Seher Mein Noor Ke Dhaare Salaam Kehte Hain

Tumhara Zikr Hua Kainaat Wajd Mein Hai

Jo Hain Ghulaam Tumhare Salaam Kehte Hain

Baras Rahi Hai Ghataaon Ki Shakl Mein Rehmat

Jinaa(n) Badosh Nazaare Salaam Kehte Hain

Ataa Ho Dil Ki Sadaa Ko Qubooliyat Ka Sharaf

Adab Se Aankh Ke Taare Salaam Kehte Hain

Khuda Ne Tum Ko Banaya Hai Maalike Kaunain

Jahaan Ke Raaj Dulhare Salaam Kehte Hain

Zahe Naseeb Ke Taiba Ke Reh Guzaaron Ko

Hum Aise Dard Ke Maare Salaam Kehte Hain

Naseem Khake Dare Mustafa Ko Kya Kahiye

Ke Isko Chaand Sitaare Salaam Kehte Hain

Dariya Hai Hamara Noha LyricsDariya Hai Hamara Noha Lyrics Dariya pe jo pahuncha asadullah ka...1,724 views

Naseebon Ko Jagaya Hai Ali Ne lyricsNaseebon Ko Jagaya Hai Ali Ne lyrics Naseebon Ko Jagaya...884 views

Bazm-e-Jahan Me Main Bhi Hun Ae Shama Dardmand LyricsBAZM-E-JAHAN ME DHOOM HAI MATAM HUSSAIN KI.. YAROO YE GHAM FAZA HAI...577 views

Allah Janta Hai Muhammad Ka Martaba Lyricsℹ️ Kalaam Info (Jankari) Attribute Detail Kalam (Title) Allāh Jāntā Hai Muḥammad...454 views

1 thought on “Chaman Ke Mast Nazaare Salaam Kehte Hain”