حاجیو آؤ، شہنشاہ کا روضہ دیکھو
کعبہ تو دیکھ چکے کعبے کا کعبہ دیکھو
رکنِ شامی سے مٹی وحشتِ شامِ غربت
اب مدینے کو چلو صبحِ دل آرا دیکھو
آبِ زم زم تو پیا خوب بجھائی پیاسیں
آؤ جودِ شہِ کوثر کا بھی دریا دیکھو
زیرِ میزاب ملے خوب کرم کے چھینٹے
ابرِ رحمت کا یہاں زور برسنا دیکھو
دھوم دیکھی ہے درِ کعبہ پہ بیتابوں کی
ان کے مشتاقوں میں حسرت کا تڑپنا دیکھو
مثلِ پروانہ پھرا کرتے تھے جس شمع کے گرد
اپنی اس شمع کو پروانہ یہاں کا دیکھو
خوب آنکھوں سے لگایا ہے غلافِ کعبہ
قصرِ محبوب کے پردے کا بھی جلوہ دیکھو
واں مطیعوں کا جگر خوف سے پانی پایا
یاں سیہ کاروں کا دامن پہ مچلنا دیکھو
اولیں خانۂ حق کی تو ضیائیں دیکھیں
آخریں بیتِ نبی کا بھی تجلی دیکھو
ایمنِ طور کا تھا رکنِ یمنی میں فروغ
شعلۂ طور یہاں انجمن آرا دیکھو
مہرِ مادر کا مزہ دیتی ہے آغوشِ حطیم
جن پہ ماں باپ فدا یاں کرم ان کا دیکھو
عرضِ حاجت میں رہا کعبہ کفیلِ انجاح
آؤ اب داد رسیِ شہِ طیبہ دیکھو
دھو چکا ظلمتِ دل بوسۂ سنگِ اسود
خاک بوسیِ مدینہ کا بھی رتبہ دیکھو
کر چکی رفعتِ کعبہ پہ نظر پروازیں
ٹوپی اب تھام کے خاکِ درِ والا دیکھو
بے نیازی سے وہاں کانپتی پائی طاعت
جوشِ رحمت پہ یہاں ناز گناہ کا دیکھو
جمعۂ مکہ تھا عید اہلِ عبادت کے لیے
مجرمو! آؤ یہاں عیدِ دوشنبہ دیکھو
ملتزم سے تو گلے لگ کے نکالے ارماں
ادب و شوق کا یاں باہم الجھنا دیکھو
خوب مسعیٰ میں بامیدِ صفا دوڑ لیے
رہِ جاناں کی صفا کا بھی تماشا دیکھو
رقصِ بسمل کی بہاریں تو منیٰ میں دیکھیں
دلِ خوں نابہ فشاں کا بھی تڑپنا دیکھو
زینتِ کعبہ میں تھا لاکھ عروسوں کا بناؤ
جلوہ فرما یہاں کونین کا دولہا دیکھو
غور سے سن تو، رضا ! کعبے سے آتی ہے صدا
میری آنکھوں سے میرے پیارے کا روضہ دیکھو
Haajiyo aao Shahenshah ka Roza dekho
Kaaba to dekh chuke Kaabe ka Kaaba dekho
Rukn e Shaami se miti wah’shate shaame ghurbat
Ab Madine ko chalo subhe dil aaraa dekho
Aabe Zam-Zam to piyaa khoob buhaa-ee pyaase
Aao joode Shahe Kowsar ka bi darya dekho
Zayre Mizaab mile khoob Karamke cheente
Abre Rehmat ka yaha zowr barasnaa dekho
Dhoom dekhi hai dare kaaba pe betaabo ki
Unke mushtako me hasrat ka tadapna dekho
Misle parwana phiri karte the jis sham’a ke gird
Apni uss sham’a ko parwana yaha ka dekho
Khoob aankho se lagaaya he Gilaafe Kaaba
Qasre Mehboob ke parde ka bhi jalwa dekho
Wa(n) mutiyo ka jigar khauf se pani paaya
Ya(n) siyahkaaro ka daaman pe machalna dekho
Awwali khana e haq ki to ziyaye dekhi
Aakhri bait e nabi ka bhi tajalla dekho
Aymane tur ka tha rukne yamani me farog
Shola e tur yaha anjuman-aara dekho
mehre madar ka maza deti hai aagosh e hateem
jin pe maa baap fida ya(n) karam unka dekho
Arz E Haajat Me Raha Ka’aba Kafeel E Injaah
Aao Ab Daad-Rasi E Shahe Taibah Dekho
Dho chuka zulmate dil bosaa-e Sunge Aswad
Khaak bosi-e-Madina ka bhi Rutbaa dekho
Kar chuki rif’ate kaaba pe nazar par-vaze
Topi ab thaam ke khaaq e dar e wala dekho
Be-niyazi se waha kaapti payi ta’at
Joshe rehmat pe yaha naaz gunah ka dekho
Juma E Makka Tha Ird Ahle Ibadat Ke Liye
Mujrimo! Aao Yaha Ird E Doshamba Dekho
Multazim se to gale lag ke nikale armaan
Adab o shouq ka yaha baham ulajhna dekho
Khoob mas’a me b-ummide safa daud liye
Rahe jana(n) ki safaka bhi tamasha dekho
Raqs E Bismil Ki Bahaare To Meena Me Dekhi
Dil E Khu-Naaba Fisha Ka Bhi Tadapna Dekho
Zeenate Kaaba me tha laakh arooso ka banaw
Jalwa farma yaha kownain ka doolhaa dekho
Gowr se sun to Raza Kaaba se aati he sadaa
Meri aankho se mere Pyaare ka Rozaa dekho