wajh e taskeen e dil o jaan rabi ul awwal lyrics
وجہِ تسکینِ دل و جان ربیع الاول – نعت لیرکس
وجہِ تسکینِ دل و جان ربیع الاول
اور ہے رحمتِ رحمان ربیع الاول
تجھ میں آئے مرے سلطان ربیع الاول
سب مہینوں میں ہے ذیشان ربیع الاول
سرزمیں کفرکی سیراب ہوئی ایماں سے
بارشِ رحمت و عرفان ربیع الاول
جو پریشان تھاغمگین تھا،تجھے دیکھ کےوہ
شادماں ہو گیا انسان ربیع الأول
تونے ہی دولت کونین عطا کی مجھ کو
تجھ پہ قربان مری جان ربیع الاول
کیوں نہ عشاقِ محمد یہ لگائیں نعرہ
تجھ پہ قربان مری جان ربیع الاول
تجھ میں اللہ کامحبوب ہواجلوہ نما
تب ہی اونچی ہے تری شان ربیع الاول
کون عشاق نبی کون ہے غدار نبی
تجھ سے ہوجاتی ہے پہچان ربیع الاول
نسبتِ شاہِ مدینہ سے تو معمور ہوا
ہیں بہت تیرے ثنا خوان ربیع الاول
حشر تک ان کی ولادت کی منائیں گےخوشی
یہی کہتے ہیں رضا خان ربیع الاول
تیری برکت سے ہراک ماہ ملا ہے ہم کو
وہ ہو شعبان یا رمضان ربیع الاول
سیرتِ شاہِ مدینہ کو پکڑ لو سنجر
کر رہا ہے یہی اعلان ربیع الاول
از قلم خادمِ دربار حضور وکیل شاہ
محمد سرفراز سنجر چشتی مگرسنوی الہ آبادی
- Al Hadaiq ul Arabia Urdu Sharh Al Tariqat ul Asria PDF Book
- Arabi Ka Muallim PDF Book
- Kaleed Arabi Ka Muallim PDF Book
- Taleem ul Muta’allim PDF Book
- Tareeqa Jadida
- Pand Nama
Popular Posts
