تیرے جد کی ہے بارہویں، غوثِ اعظم!
ملی ہے تجھے گیارہویں، غوثِ اعظم!
کوئی ان کے رتبے کو کیا جانتا ہے
محمد کے ہیں جا نشیں، غوثِ اعظم!
تو ہے نور و آئینۂ مصطفائی
نہیں کوئی تجھ سا حسیں، غوثِ اعظم!
ہوئے اولیاء ذی شرف گرچہ لاکھوں
مگر سب سے ہیں بہتریں، غوثِ اعظم!
جہاں اولیاء کرتے ہیں جبہہ سائی
وہ بغداد کی ہے زمیں، غوثِ اعظم!
تیرے روضۂ پاک کے دیکھنے کو
تڑپتا ہے قلبِ حزیں، غوثِ اعظم!
مجھے بھی بلا لو خدارا کہ میں بھی
گھسوں آستاں پر جبیں، غوثِ اعظم!
ہمیں بھی بلا لو خدارا کہ ہم بھی
گھسیں آستاں پر جبیں، غوثِ اعظم!
میرے قلب کا حال کیا پوچھتے ہو
یہ دل ہے مکاں اور مکیں، غوثِ اعظم!
جو اہلِ نظر ہیں وہی جانتے ہیں
کہ ہر دم ہیں سب سے قریں، غوثِ اعظم!
ہماری بھی للہ بگڑی بنا دو
غلاموں کے تم ہو معیں، غوثِ اعظم!
ہیں گھیرے ہوئے چار جانب سے دشمن
خدارا بچا میرا دیں، غوثِ اعظم!
چھپا لے مجھے اپنے دامن کے نیچے
کہ غم کی گھٹائیں اٹھیں، غوثِ اعظم!
وہ ہے کون سا ان کے در کا بھکاری
مددگار جس کے نہیں، غوثِ اعظم!
حسین و حسن کی تو آنکھوں کا تارا
وہ خاتم ہیں اور تو نگیں، غوثِ اعظم!
حکومت تیری نافذہ ہے کہ حق نے
تجھے دی ہے فتحِ مبیں، غوثِ اعظم!
تجھے سب نے جانا، تجھے سب نے مانا
تیری سب میں دھومیں مچیں، غوثِ اعظم!
تو وہ ہے تیرے پاک تلوے کے آگے
کھنچی گردنیں جھک گئیں، غوثِ اعظم!
نہ تھے مطلقاً اولیاء جس سے واقف
تجھے نعمتیں وہ ملیں، غوثِ اعظم!
تیری ذات سے اے شریعت کے حامی!
طریقت کی رمزیں کھلیں، غوثِ اعظم!
شریعت، طریقت کے ہر سلسلے میں
ہیں تیری ہی نہریں بہیں، غوثِ اعظم!
سلاسل کی سب منزلوں میں ہے پھیلی
تیری روشنی بالیقیں، غوثِ اعظم!
غم و رنج میں نام تیرا لیا جب
تو کلیاں دلوں کی کھلیں، غوثِ اعظم!
کرم گر کرو میرے مدفن میں آؤ
تو ہو قبر خلدِ بریں، غوثِ اعظم!
الہیٰ! تیرا کلمۂ پاک مجھ کو
سکھائیں دمِ واپسی، غوثِ اعظم!
بسوئے جمیل از نگاہِ عنایت
ببیں، غوثِ اعظم! ببیں غوثِ اعظم!
وہاں سر جھکاتے ہیں سب اونچے اونچے
جہاں ہے تیرا نقشِ پا، غوثِ اعظم!
حسین و حسن پھول باغِ نبی کے
اسی باغ کا تو ہے پھل، غوثِ اعظم!
سروں پر جسے لیتے ہیں تاج والے
تمہارا قدم ہے وہ، یا غوثِ اعظم!
دو عالم میں ہے کون حامی ہمارا
یہاں غوثِ اعظم، وہاں غوثِ اعظم!
جمیل! اعلیٰ حضرت کے قربان جائیں
کہ وہ گل ہیں اور ان میں بو غوثِ اعظم!
جمیل! اپنے مرشد کے قربان جاؤں
کہ وہ گل ہیں اور ان میں بو غوثِ اعظم!