Hai chaand sitaron mein shabbeer tera maatam
Ta hashr yun hi hoga…(3) aalam mein sada maatam
Hai chaand sitaron mein…(2)
Dekha hai kahin aisa ? Jazba e azadari…(2)
Qaatil ke shaher mein bhi…(2) zainab ne kiya maatam
Bas haath se hi karna kaafi to nahin pyare…(2)
Aamaal se bhi kar le…(2) banda e khuda maatam
Mumkin hi nahin ye to ho koi kami es mein…(2)
Sajjad ke haathon se…(2) hai khalq huva maatam
Zaalim ka mukhalif hun mazloom ka hun haami…(2)
Sun ghaur se aye duniya!…(2) hai bol raha maatam
Barbaad kiya gulshan berehmi se zehra ka…(2)
Kyun kar na kare logo !…(2) ham ahle aza maatam
Lo haar gaya zaalim or jeet gaya mazloom…(2)
Chauda sau baras se ye…(2) deta hai sada maatam
Gham unka hamara gham wo royen to ham royen…(2)
Hai aal e mohmmad se…(2) izhaar e wafa maatam
Ye ishq ki fitrat hai dastoor e mohbbat hai…(2)
Ma’shooq huva zibha…(2) aashiq ne kiya maatam
Jab qatl huve sarwar ye charkh lahoo roya…(2)
Jungle ne padha noha…(2) dariya ne kiya maatam
Zahra ke gharaane ki sunnat hai ‘hasan Haamid’…(2)
Kya khoob teri qismat…(2) ke tujhko mila maatam
Hai chaand sitaron mein…(3)
Popular Posts
