زمیں میلی نہیں ہوتی، زمن میلا نہیں ہوتا

زمیں میلی نہیں ہوتی، زمن میلا نہیں ہوتا
محمد کے غلاموں کا کفن میلا نہیں ہوتا

محبت کملی والے سے وہ جذبہ ہے سنو لوگو!
یہ جس من میں سما جائے، وہ من میلا نہیں ہوتا

جو نامِ مصطفیٰ چومیں، نہیں دکھتی کبھی آنکھیں
پہن لے پیار جو اُن کا، بدن میلا نہیں ہوتا

نبی کا دامنِ رحمت پکڑ لو اے جہاں والو!
رہے جب تک یہ ہاتھوں میں، چلن میला نہیں ہوتا

میں نازاں تو نہیں فن پر مگر، ناصرؔ! یہ دعویٰ ہے
ثناءِ مصطفیٰ کرنے سے فن میلا نہیں ہوتا