Lo Jhoom Ke Naam Muhammad Ka Naat Lyrics
Lo Jhoom Ke Naam Muhammad Ka
Is Naam Se Raahat Hoti Hai
Is Naam Ke Sadqe Baithe Hain
Is Naam Se Barkat Hoti Hai
Ye Shaane Karam Allahu Ghani
Allah Ka Diya Dete Hain Nabi
Deke To Sadaa De Kar Koi
Har Cheez Inaayat Hoti Hai
Mausam To Badalte Rehte Hain
Armaan Machalte Rehte Hain
Dekhe Kis Waqt Madine Mein
Jaane Ki Soorat Hoti Hai
Naaton Ke Sajaate Hain Gajre
Padte Hain Salaamon Ke Naghme
Koi Maane Maane Na Maane
Apni To Ibaadat Hoti Hai
Khush Bakht Musaafir Taiba Ke
Ho Saamne Jab Darbaare Nabi
Yoon Dekho Gumbad Ko Jaise
Quran Ki Tilaawat Hoti Hai
Apne Dukh Dard Museebat Mein
Dunya Mein Hazaaron Rote Hain
Jo Yaade Nabi Mein Askh Gire
Us Ashk Ki Qeemat Hoti Hai
Apne To Niyaazi Apne Hain
Ghairon Ne Bhi Hum Se Pyaar Kiya
Sab Name Nabi Ka Sadqa Hai
Apni Jo Izzat Hoti Hai
Popular Posts
