ہمکو بلانا یا رسول اللہ

ہمکو بلانا یا رسول اللہ
ہمکو بلانا یا حبیب اللہ

کبھی تو سبز گنبد کا اجالا ہم بھی دیکھیں گے
ہمیں بلوائیں گے آقا مدینہ ہم بھی دیکھیں گے

دھڑک اٹھے گا یہ دل یا دھڑکنا بھول جائے گا
دلِ بسمل کا اس در پر تماشا ہم بھی دیکھیں گے

ادب سے ہاتھ باندھے انکے روضے پر کھڑے ہوں گے
سنہری جالیوں کا یوں نظارہ ہم بھی دیکھیں گے

درِ دولت سے لوٹایا نہیں جاتا کوئی خالی
وہاں خیرات کا بٹنا خدایا ہم بھی دیکھیں گے

برستی گنبدِ خضریٰ سے ٹکراتی ہوئی بوندیں
وہاں پر شان سے بارش برسنا ہم بھی دیکھیں گے

گزارے رات دن اپنے اسی امید پر ہم نے
کسی دن تو جمالِ روئے زیبا ہم بھی دیکھیں گے

دمِ رخصت قدم من بھر کے ہیں محسوس کرتے
کسے ہے جا کے لوٹانے کا یارا ہم بھی دیکھیں گے

پہنچ جائیں گے جس دن اے اجاگرؔ ان کے قدموں میں
کسے کہتے ہیں جنت کا نظارہ ہم بھی دیکھیں گے