gardishoñ ke haiñ maare hue na dushmanoñ ke satā.e hue haiñ
jitne bhī zaḳhm haiñ mere dil par dostoñ ke lagā.e hue haiñ
jab se dekhā tirā qadd-o-qāmat dil pe TuuTī huī hai qayāmat
har balā se rahe tū salāmat din javānī ke aa.e hue haiñ
aur de mujh ko de aur saaqī hosh rahtā hai thoḌā sā baaqī
aaj talḳhī bhī hai intihā kī aaj vo bhī parā.e hue haiñ
kal the ābād pahlū meñ mere ab haiñ ġhairoñ kī mahfil meñ Dere
merī mahfil meñ kar ke añdhere apnī mahfil sajā.e hue haiñ
apne hāthoñ se ḳhanjar chalā kar kitnā mā’sūm chehra banā kar
apne kāñdhoñ pe ab mere qātil merī mayyat uThā.e hue haiñ
mah-vashoñ ko vafā se kyā matlab in butoñ ko ḳhudā se kyā matlab
un kī mā’sūm nazroñ ne ‘nāsir’ log pāgal banā.e hue haiñ
Popular Posts
Dil Ko Unse Khuda Juda Na Kare Naat Lyrics With TazmeenDil Ko Unse Khuda Juda Na Kare Naat Lyrics With Tazmeen ...274 views
Mera Jeena Mera Marna Ilahi Teri Khatir Ho LyricsMera Jeena Mera Marna Ilahi Teri Khatir Ho Lyrics Mera Jeena Mera...155 views
Rehmat Na Kis Tarah Ho Gunahgar Ki Taraf LyricsRehmat Na Kis Tarah Ho Gunahgar Ki Taraf Lyrics Rehmat Na...119 views
Allah Janta Hai Muhammad Ka Martaba Lyricsℹ️ Kalaam Info (Jankari) Attribute Detail Kalam (Title) Allāh Jāntā Hai Muḥammad...114 views
Dariya Hai Hamara Noha LyricsDariya Hai Hamara Noha Lyrics Dariya pe jo pahuncha asadullah ka...110 views