badshaah hai jo waliyon ke iwaan ka marhaba marhaba lyrics
بادشہ ہے جو ولیوں کے ایوان کا، مرحبا مرحبا
گلہائے عقیدت بہ بارگاہ پیران پیر در زمین نصیر
ذکر ہے آج اس شاہِ جیلان کا مرحبا مرحبا
بادشہ ہے جو ولیوں کے ایوان کا، مرحبا مرحبا
ہر طرف رنگ ہے جس کے فیضان کا،مرحبا مرحبا
ہر طرف چرچا ہے جس کے احسان کا مرحبا مرحبا
جس پہ چلتا نہیں وار شیطان کا، مرحبا مرحبا
ذکر ہے آج اس شاہ جیلان کا، مرحبا مرحبا
میکدہ ہے کھلا، مے گسارو چلو، آؤ پیاسو چلو
غم بھلا کر سبھی غم کے مارو چلو، آو پیاسو چلو
با نصیبو چلو، بد نصیبو چلو،آو پیاسو چلو
غوث اعظم کے در پر اے یارو چلو، آو پیاسو چلو
جام پر جام بٹتا ہے عرفان کا مرحبا مرحبا
عکس حسن و جمال نبی آپ ہیں،کیا ولی آپ ہیں
گلشن فاطمہ کی کلی آپ ہیں، کیا ولی آپ ہیں
مظہر علم مولیٰ علی آپ ہیں، کیا ولی آپ ہیں
پیر پیراں ہیں، غوث جلی آپ ہیں، کیا ولی آپ ہیں
کیا بیاں ہو بھلا آپ کی شان کا، مرحبا مرحبا
یہ چرند و پرند و شجر، یہ حجر، فاطمہ کے پسر
یہ زمیں، یہ فلک، کہکشاں، یہ قمر، فاطمہ کے پسر
تیرے محکوم ہیں سارے جن و بشر، فاطمہ کے پسر
ساری مخلوق ہے تیرے پیش نظر، فاطمہ کے پسر
مثل کوئی نہیں ہے تری شان کا مرحبا مرحبا
تو ہے ظل نبی، تو ہے ابن علی، تو ہے ایسا ولی
تیرے زیر قدم رب کے سارے ولی،تو ہے ایسا ولی
آستاں پر ترے اوج دنیا جھکی، تو ہے ایسا ولی
غوث و ابدال کرتے ہیں خدمت تری، تو ہے ایسا ولی
تو ہی کاشف ہے اسرار قرآن کا، مرحبا مرحبا
میری رگ رگ میں ہے تیری الفت بسی، واہ قسمت مری
مشغلہ ہے مرا مدح خوانی تری،واہ قسمت مری
میری قسمت پہ قسمت بھی نازاں ہوئی، واہ قسمت مری
سیف مجھ کو بھی میراں کی نسبت ملی، واہ قسمت مری
میں بھی سگ ہوں در پیر پیران کا، مرحبا مرحبا
- Al Hadaiq ul Arabia Urdu Sharh Al Tariqat ul Asria PDF Book
- Arabi Ka Muallim PDF Book
- Kaleed Arabi Ka Muallim PDF Book
- Taleem ul Muta’allim PDF Book
- Tareeqa Jadida
- Pand Nama
Popular Posts
