SAHIB E MERAJ HAIN AUR AYN E NOOR AAQA HUZOOR NAAT LYRICS
Sahib e Meraj hain aur ayn e Noor Aaqa Huzoor
Do jaha’n me nemat e Rabb e Ghafoor Aaqa Huzoor
Chaand,Surat, kehkasha’n abr o shafaq qaus o qazah
Paate hain naqsh e kaf e paa se hi noor Aaqa Huzoor
Naat padhte inbisaat o shauq se hain aaj bhi
Aap ke shehr e muqaddas me tuyoor Aaqa Huzoor
Hain yahan A’da ke narghe charsu islaam par
Raham kar dije ke ho ye jor door Aaqa Huzoor
Be hayaai ho gayi hai aam har ek shehr me
Door hon ham sab se ye fisq o fujoor Aaqa Huzoor
Sojish e naar e jahannam se bachayenge hame’n
Hain bila shak shafa e youm un nushoor Aaqa Huzoor
Ye naveed e jaa’n fiza tujh ko mili hai aye “Tameem”
Roz e mehshar bakhshwayenge zaroor Aaqa Huzoor
Az qalam- Peerzada Syed Tameem Hussaini Ashrafi saheb qibla maddazillahul aali
Farzand e Sajjada Nasheen Bargah e Huzoor Qutbe Raichur