MADAD KE WASTE AYE SAYYEDI GHOUS UL WARA UTHYE NAAT LYRICS
Madad ke waste aye sayyedi Ghous ul wara uthye
Bhanwar me phans gaya banda tumhara ab shaha uthye
Yahan ada e dee’n ka zulm chaya hai zamane me
Ke istibdaad e baatil dur ho, Ghous ul wara uthye
Banaya duzd ko abdaal tumne fazl e Maula se
Phansa hun duzd e imaa’n ke shikanje me shaha uthye
Ghamo ki dhoop hai banda tumhara paa bajulaa’n hai
Masaib me ghira hai aah aye mushkil kusha uthye
Ye najdi zumra e haq ko satate hain mere shaha
Ke behr e deen e yazdaa’n aye mere Ghous ul wara uthye
Mile’n a’laam e nusrat ho inayat mujh se aasi par
Ba roz e hashr mujhko bakhshwane shafi’aa uthye
Ata ho apne maslak par tasallub mujh ko bhi Aaqa
Tameem e Ashrafi ki hai yahi ek iltija uthye
➖➖➖➖➖➖➖➖➖➖➖
Az qalam- Peerzada Syed Tameem Hussaini Ashrafi
Farzand e Sajjada Nasheen Bargah e Huzoor Qutbe Raichur
➖➖➖➖➖➖➖➖➖➖➖
Popular Posts
