آقا کے غلاموں کو اب عید منانے دو

آقا کے غلاموں کو اب عید منانے دو
سرکار کی آمد ہے راہوں کو سجانے دو

چرچا ہے یہی ہر سو کہتے ہیں یہ ہر کوئی
تشریف نبی لائے محفل کو سجانے دو

گھر گھر یہ چراغاں ہے رحمت کا اجالا ہے
آقا کی ثنا کرکے تقدیر جگانے دو

خوشیاں ہیں سبھی کرتے سرکار کی آمد پر
اک نعتِ نبی یارو مجھ کو بھی سنانے دو

پیدا جو ہوئے سرور بت خانے کے بت ٹوٹے
انوارِ الٰہی سے قسمت کو جگانے دو

گودی میں آمنہ کے وہ نورِ مجسم ہیں
کہتی ہیں حلیمہ بھی قربان ہو جانے دو

ہے نورِ محمد کی سب روشنی دنیا میں
سب کچھ ہے بشیر ان کا صدقہ تو لٹانے دو