سرکارِ غوثِ اعظم، نظرِ کرم خدارا

سرکارِ غوثِ اعظم، نظرِ کرم خدارا
میرا خالی کاسہ بھر دو، میں فقیر ہوں تمہارا

مولا علی کا صدقہ، گنجِ شکر کا صدقہ
میری لاج رکھنا میراں، میں فقیر ہوں تمہارا

میراں بنے ہیں دولہا، شادی رچی ہوئی ہے
سب اولیا باراتی، کیا خوب ہے نظارا

جھولی کو میری بھر دو، ورنہ کہے گی دنیا
ایسے سخی کا منگتا، پھرتا ہے مارا مارا

دنیا میں سب کا کوئی، کوئی تو آسرا ہے
میرا بجز تمہارے، کوئی نہیں سہارا

یہ اداِ دستگیری، کوئی میرے دل سے پوچھے
وہی آ گئے مدد کو، میں نے جب جہاں پکارا

یہ تیرا کرم ہے یا غوث، جو بنا لیا ہے اپنا
کہاں مجھ سا یہ کمینہ، کہاں سلسلہ تمہارا