WAJH-e-NISHĀT-e-ZINDAGĪ RĀHAT-e-JĀN TUM HĪ
TOU HO
Wajh-e-Nishāt-e-Zindagī Rāhat-e-JāN Tum Hī Tou Ho
Rūh-e-Rawān-e-Zindagī Jān-e-JahāN Tum Hī Tou Ho
Tum Jo Na Thai Tou Kuch Na Thā Tum Jo Na Ho Tou Kuch Na
Ho
Jān-e-JahāN Tum Hī Tou Ho Jān-e-Janān Tum Hī Tou Hu
Tāj-e-Waqār-e-KhākiyāN Nāzish-e-Arsh-o-ArshiyāN
Fakhr-e-Zamīn-o-ĀsmāN Fakhr-e-Zamān Tum Hī Tou Ho
Kis Sai KarūN Bayān-e-Gham Koun Sunai Fughān-e-Gham
PāouN KahāN Amān-e-Gham Amn-o-Amān Tum Hī Tou Ho
Rūh-e-Rawān-e-Zindagī Tāb-o-Tawān-e-Zindagī
Amn-o-Amān-e-Zindagī Shāh-e-ShahāN Tum Hī Tou Ho
Tum Hu Chirāgh-e-Zindagī Tum Ho JahāN Kī Roushnī
Mehr-o-Māh-o-Nujūm Mai Jalwah KināN Tum Hī Tou Ho
Tum Sai Jahān-e-Rang-o-Bū Tum Ho Chaman Kī Ābrū
Jān-e-Bahār-e-GulsitāN Sarw-e-Chamān Tum Hī Tou Ho
33
Tum Ho Qawwām-e-Zindagī Tum Sai Hai Zindagī Banī
Tum Sai Kahāi Hai Zindagī Rūh-e-RawāN Tum Hī Tou Ho
Asl-e-Shajar Mai Ho Tum Hī Nakhl-o-Thamar Mai Ho Tum Hī
Inn Mai AyāN Tum Hī Tou Ho Inn Mai NumāN Tum Hī Tou
Ho
Tum Ho Numūd-e-AwwalīN Sham’e Abad Bhī Ho Tum Hī
Shāh-e-Zaman YahaN WahaN Sikka NishāN Tum Hī Tou Ho
Akhtar Kī Hai Majāl Kyā Mahshar Mai Sab HaiN Dam Bakhūd
Sab Kī Nazar Tum Hī Pai Hai Sab Kī ZubāN Tum Hī Tou Ho
KĀSH GUMBAD-e-KHAZRĀ DAIKHNAI KO MIL JĀTĀ
Dāgh-e-Furqat-e-Taibā Qalb-e-Muzmahil Jātā
Kāsh Gumbad-e-Khazrā Daikhnai Ko Mil Jātā
Maira Dam Nikal Jātā Unn Kai Āstānai Par
Unn Kai Āstānai Kī Khāk Mai Mil Jātā
Mairai Dil Sai Dhul Jātā Dāgh-e-Furqat-e-Taibā
Taibā Mai Fanā Ho Kar Taibā Mai Hī Mil Jātā
Maut Lai Kai Ā Jātī Zindagī Madīne MaiN
34
Maut Sai Galay Mil Kar Zindagī MaiN Mil Jātā
Khuld Zār-e-Taibā Ka Iss Tarah Safar Hotā
Pīchay Pīchay Sar Jātā Āgai Āgai Dil Jātā
Dil Pai Jab Kiran Parrtī Unn Kai Sabz Gumbad Kī
Uss Kī Sabz Rungat Sai Bāgh Ban Kai Khil Jātā
Furqat-e-Madīnā Nai Woh Diye Mujhai Sadmai
Kouh Par Agar Parrtai Kouh Bhī Tou Hil Jātā
Dil Mairā Bichā Hota Unn Kī Reh GuzārouN Mai
Unn Kai Naqsh-e-Pā Sai YūN Mil Kai Mustaqill Jātā
Dil Pai Woh Qadam Rakhtai Naqsh-e-Pā Yai Dil Bantā
Yā Tou Khāk-e-Pā Ban Kar Pā Sai Muttasil Jātā
Woh Khirām Farmātai Mairai Dīdah-o-Dil Par
Dīdah Mai Fidā Karta Sadqai Mairā Dil Jātā
Chashm-e-Tar WahaN Behtī Dil Ka Mudda’ā Kehtī
Āh Bā Adab Rehtī MouNh Mairā Sil Jātā
Dar Pai Dil Jhuka Hotā Izn Pā Kai Phir Barrhta
Har Gunnah Yād Āta Dil Khajil Khajil Jātā
35
Mairai Dil Mai Bas Jātā Jalwāh Zār Taibā Ka
Dāgh-e-Furqat-e-Taibā Phūl Ban Kai Khil Jātā
Unn Kai Dar Pai Akhtar Kī HasrataiN HoīN Pūrī
Sā’il-e-Dar-e-Aqdas Kaysai Munfa’il Jātā
SAB MADĪNE CHALAIN
Tum Chalo Ham ChalaiN Sab Madīne ChalaiN
Jānib-e-Taibā Sab Kai Safīne ChalaiN
Maikasho! Āou Āou Madīne ChalaiN
Bādā-e-Khuld Kai Jām Pīne ChalaiN
Jī Ga’ey Woh Madīne Mai Jo Marr Ga’ey
Āou Ham Bhī WahaN Mar Kai Jīne ChalaiN
Zindagī Ab Sar-e-Zindagī Āgaī
Ākhirī Waqt Hai Ab Madīne ChalaiN
Shauq-e-Taibā Nai Jis Dam Sahārā Diyā
Chal Diye Ham Kahā Baikasī Nai ChalaiN
Tā’ir-e-JāN Madīne Ko Jab Urr Chalā
36
Zindagī Sai Kahā Zindagī Ne ChalaiN
Jān-e-Nou Rāh-e-JānāN Mai YūN Mil Gayee
Ānkh Meechī Kahā BaiKhūdī Nai ChalaiN
Rāh-e-Taibā Mai Jab Nā TawāN Reh Ga’ey
Dil Ko Kheencha Kahā Baikali Nai ChalaiN
Khāk-e-Taibā Mai Apni Jagah Ho Gayee
Khūb Muzdā Sunāyā Khushi Nai ChalaiN
Bai Takalluf Shah-e-Dou JahāN Chal Diye
Sādgī Sai Kahā Jab Kisī Nai ChalaiN
Aglai Pichlai Sabhi Khuld Mai Chal Diye
Rouz-e-Mahshar Kahā Jab Nabī Nai ChalaiN
Unn Kī Shān-e-Karam Kī Kashish Daikhnā
Kāsa Lai Kar Kahā Khusrawī Nai ChalaiN
Akhtar-e-Khasta Bhī Khuld Mai Chal Diyā
Jab Sadā Dī Isai Murshidi Nai ChalaiN