Hazrat Miya Rajshah Sahab Qadri Sundhvi: Hayaat, Karamat aur Malfuzat

by

Youm-e-Wisal: Qutub-e-Aalam Hazrat Miya Rajshah Sahab Qadri Sundhvi (Rahmatullah Ta’ala Alaihi)

 

 

Imaam e Silsila e Rajshahi: Huzoor Fardwakt Qutub e Aalam Miya Rajshah Sahab Qadri Sundhvi (Rahmatullah Ta’ala Alaihi)

Yeh mazmoon apne waqt ke azeem Aulia Allah mein se ek, Hazrat Miya Rajshah Sahab ki mubarak zindagi par mabni hai, jinki rohani roshni aaj bhi hazaron logon ki rehnumai karti hai.

 

Mukhtasar Ta’aruf (Brief Introduction)

 

  • Ism Shareef: Hazrat Raj Khan, Almaroof Hazrat Rajshah Sahab (Rahmatullah Ta’aala Alaihi).
  • Rutba: Aap Makam-e-Fardaniyat par fa’iz the.
  • Wiladat: Aapki wiladat 1216 Hijri (1801 Esvi) mein, aur ek dusri rivayat ke mutabik 1210 Hijri (1795 Esvi) mein, Hazrat Molana Abdul Sami (Rahmatullah Ta’aala Alaihi) ke irfan wa yakeen se pur gharana me bamakaam-Muza Sundh Shareef, Tehseel Tawurh, Zila Mewat, Haryana, India me huyi. Bachpan se lekar zaeefi tak gali ya fehash kalmaat aapki zaban-e-aqdas se na sune gaye. Bachpan hi se aapki paishani par saadat ka noor jagmagata tha.

 

Taleem o Rohani Safar (Education & Spiritual Journey)

 

  • Taleem o Tarbiyat: Aapne kisi madarse me nahi balki apne walid-e-majid Molvi Abdul Sami Sahab (Rahmatullah Ta’aala Alaihi) se tarbiyat hasil kari aur bhut se Aulia Allah ki sohbat ikhtiyar ki.
  • Ilm-e-Ladunni: Allah Rabbul Izzat ne aapko Ilm-e-Ladunni ata farmaya tha.
  • Faiz Ki Ibtada: Hazrat Dana Gulab Shah Majzoob (Rahmatullah Ta’aala Alaihi), Hathheen, Zila Palwal, Haryana se hui.
  • Baith: Shaykh-ul-Mashaik, Hazrat Molana Muhammad Ismail Siddiqui Mehmi (Rahmatullah Ta’aala Alaihi) se ki.
  • Khilafat: Aapko 5 salasil (Qadri, Chishty, Suharwardi, Naqshbandi, Madari) se faiz hasil hua aur panchon mein khilafat hasil thi.

 

Aapne Jin Aulia se Faiz Hasil Kiya

 

Aapne jin Aulia-e-ikram se faiz-e-batni paya aur jinki ilmi mehfil se istifada kiya, unke ism-e-mubarak:

  1. Hazrat Dana Gulab Shah Majzoob (R.A.)
  2. Shaykh-ul-Mashaik Hazrat Molana Muhammad Ismail Siddiqui Mehmi (R.A.)
  3. Hazrat Deen Ali Shah Majzoob Dehelvi (R.A.)
  4. Hazrat Molana Noor Muhammad Sahab Kamli Wale Delhivi (R.A.)
  5. Hazrat Kallan Shah Majzoob (R.A.)
  6. Hazrat Miya Muhammad Ismail Sahab Kumhar Hisar Wale (R.A.)
  7. Hazrat Molana Muhammad Ramzan Sahab Siddiqui Mehmi (R.A.)
  8. Ustad-ul-Asatiza, Hazrat Shah Abdul Azeez Muhaddis Dehelvi (R.A.)
  9. Hazrat Shah Muhammad Ishaq Muhaddis Dehelvi (R.A.)
  10. Hazrat Shah Abdul Qadir (R.A.)
  11. Hazrat Miya Noor Muhammad Nakkash (R.A.)

 

Alqabaat (Titles)

 

Haqikat Maab, Tariqat-e-Intasab, Mazhar-e-Sifat-e-Rabbani, Mazdar-e-Fiyuze Ilahi, Mehboob-e-Yazdani, Mujahid-e-Fi’sabilillah, Qutub-ul-Aqtab, Ghous-ul-Agwas, Ghous-ul-Samad, Fard-ul-Ahad, Fardwakt, Arsh’Aashiya, Imaam-e-Khutba, Shaykh Kabeer, Qutub-e-Aalam.

 

Azdwaji Zindagi aur Aulad (Family Life)

 

  • Nikah: Aapne Mohtarma Mukarrama Bibi Maryam Sahiba (Rahmatullah Ta’aala Aleha) se nikah farmaya. Aapka mazar sharif Sundh Sharif mein darbar ke andar hai.
  • Aulad Pak: Huzur Fardwakt ke 4 sahabzade aur 3 sahabzadiyan hue.

Sahabzadgan (Sons):

  1. Huzur Mujjadid-e-Wakt Hazrat Allama Molana Abdullah Shah Qadri Rajshahi (R.A.)
  2. Hazrat Muhammad Bahadur Khan (R.A.)
  3. Shams-ul-Aarifeen, Hazrat Miya Haider Shah Sahab Qadri Rajshahi (R.A.)
  4. Hazrat Muhammad Ramzan Khan (R.A.) (Sabke Mazar Sharif Sundh Sharif, Mewat mein hain.)

Sahabzadiyan (Daughters):

  1. Mohtarma Mukarrama Bibi Rabia Sani Mehar Bi almaroof Bubu Ji Sahiba (R.A.)
  2. Mohtarma Mukarrama Bibi Nawaz Bi Sahiba (R.A.)
  3. Mohtarma Mukarrama Bibi Rahiman Bi Sahiba (R.A.)

 

Hum Asr Buzurgon ke Nazraane (Praise from Contemporaries)

 

Hazrat Shah Abdul Azeez Muhaddis Dehlvi (R.A.) farmate hain:

“Hindustan ki khush qismati hai ke Sahaba Rizwanullahi Ta’ala Alehim Ajmaeen ki seerat ke hazraat ab bhi mojood hai. Wo aapki zaat hai ke qudrat ne aesi muqaddas ruhon ko peda kiya.”

Hazrat Shah Bahauddin Sahab (R.A.) apni tasneef mein farmate hain:

“Main 10-11 baras tak Hazrat Qibla Fardwakt Miya Rajshah Sahab se faiz-e-batni hasil karta raha.”

 

Karamat aur Rohani Shaan (Miracles & Spiritual Stature)

 

“Aapki riyazat wa mujahidat wa karamat hadd-e-bayan se bahar hai. Jab aap pahar par jakar zarb lagate to tamam pahar ke patthar zarb karne lagte, darakhto se zikr ki aawaz aati… aur aapke chehre se noor ki tajalli chhootne lagti, jisse aas paas ki tamam cheezein roshan ho jati.”

 

Aapke Mureedeen (His Disciples)

 

Hazrat Fardwakt ki zaat-e-ba’barkat se be-shumar logon ko faiz pahuncha. Aapke mureedeen Hindustan ke alawa dusre mumalik, yahan tak ke Madina Munawwara mein bhi the. Patodi, Tonk, Hasanpur, Sardhana, wagera ke Nawab bhi aapse mureed the.

 

Wisal aur Salana Urs Mubarak (Passing & Annual Urs)

 

  • Wisal: Aapne 8 Ramzan-ul-Mubarak, 1306 Hijri (mutabik 9 May 1889 Esvi) ko 90 saal ki umar shareef mein wisal farmaya.
  • Urs Mubarak: Aapka Urs Mubarak 10-11 Shawwal-ul-Mukarram ko bari shaan-o-shaukat ke sath manaya jata hai.
  • Mazar Shareef: Muza Sundh Shareef, Tehseel Tawurh, Zila Mewat (Nuh), Haryana mein marjai khalaiq hai.

 

Khulfa-e-Kiram (Successors)

 

Huzur Fardwakt ke mashoor aur maroof khulfa ke ism-e-mubarak:

  1. Hazrat Gaziuddin Shah Rajshahi (R.A.)
  2. Hazrat Chote Shah Rajshahi Urf Sha Ji Kabuli (R.A.)
  3. Aala Hazrat Syed Abu Ahmad Muhammad Ali Hussain Ashrafi Rajshahi (R.A.)
  4. Huzur Mujjadid-e-Wakt Molana Abdullah Shah Rajshahi (R.A.)
  5. Haji-ul-Harameen Hazrat Miya Haider Shah Rajshahi (R.A.)
  6. Hazrat Miya Muhammad Ismail Shah Rajshahi (R.A.)
  7. Hazrat Allama Molana Abdur Rehman Rajshahi (R.A.)
  8. Hazrat Allama Molana Abdur Raheem Rajshahi (R.A.)
  9. Hazrat Haji Syed Abid Hussain Rajshahi (R.A.), Bani Darul Uloom Deoband
  10. Hazrat Hafiz Muhammad Ibrahim Shah Sahab Rajshahi (R.A.)
  11. Hazrat Meer Muhammad Taqi Rajshahi (R.A.)
  12. Hafiz Meer Ahmad Ali Aakhervi Rajshahi (R.A.)
  13. Hazrat Wali Muhammad Rajshahi (R.A.) … aur bhi aapke khulfa hue hain.

 

Malfuzat aur Taleemat (Sayings & Teachings)

 

  1. Allah Ism-e-Jalalat Ism-e-Azam hai, isse hi sab cheez hasil ho jati hai.
  2. Duniya misl-e-saya ke hai. Jab insan isko chhor kar Allah Ta’ala ki janib rujuh karta hai to ye duniya saaye ki tarha peechhe-peechhe ho leti hai.
  3. Banda aur Khuda ke darmiyan Murshid waseela hota hai.
  4. Jhoot, dagabazi, chori, aur riyakari bara sakht gunah hai.
  5. Ittiba-e-Shariyat aur pabandi-e-Shariyat ka naam hi Darweshi hai.

Leave a Comment