PADE MUJH PAR NA KUCH IFTAAD YA GHOUS NAAT LYRICS

PADE MUJH PAR NA KUCH IFTAAD YA GHOUS NAAT LYRICS

Pade mujh par na kuch iftaad Ya Ghous
Madad par ho teri Imdaad Ya Ghous

Mere dil me base jalwe tumhare
Yeh viraana bane Baghdad Ya Ghous

Na bhoolun bhool kar bhi yaad teri
Na yaad aaye kisi ki yaad Ya Ghous

Mureedi La Takhaf farmaan tera woh
Balaon me hai yeh naashad Ya Ghous

Gale tak aa gaya sailaab gum ka
Chala Mann aayiye fariyaad Ya Ghous

Andheri raat jungle mai akela
Madad ka waqt hai fariyaad Ya Ghous

Khila do Ghuncha e Khaatir ke tum ho
Bahar e Gulshan e Ejaad Ya Ghous

Mere gum ki kahani aap sunle
Kahun kisse mai rudaad Ya Ghous

Karoge kab tak acha mujh bure ko
Mere haq me hai kya irshaad Ya Ghous

Gum e Duniya Gum e Qabron Gum e Hashr
Khudara karde mujhko Shaad Ya Ghous

Hasan mangta hai dede bheek daata
Rahe yeh raaj paatha baad Ya Ghous