پردے جس وقت اُٹھیں جلوۂ زیبائی کے
پردے جس وقت اُٹھیں جلوۂ زیبائی کے
وہ نگہبان رہیں چشمِ تمنائی کے
دھوم ہے فرش سے تا عرش تری شوکت کی
خطبے ہوتے ہیں جہانبانی و دارائی کے
حسن رنگینی و طلعت سے تمہارے جلوے
گل و آئینہ بنے محفل و زیبائی کے
ذَرَّۂ دشتِ مدینے کی ضیا مہر کرے
اچھی ساعت سے پھریں دن شب تنہائی کے
پیار سے لے لیے آغوش میں سر رحمت نے
پائے انعام ترے دَر کی جبیں سائی کے
لاش اَحباب اسی دَر پر پڑی رہنے دیں
کچھ تو اَرمان نکل جائیں جبیں سائی کے
جلوۂ گر ہو جو کبھی چشم تمنائی میں
پردے آنکھوں کے ہوں پردے تیری زیبائی کے
خاکِ پامال ہماری بھی پڑی ہے سرِ راہ
صدقے اے رُوحِ رَواں تیری مسیحائی کے
کیوں نہ وہ ٹوٹے دلوں کے کھنڈر آباد کریں
کہ دکھانے ہیں کمال اَنجمن آرائی کے
زینتوں سے ہیں حسینانِ جہاں کی زینت
زینتیں پاتی ہیں صدقے تری زیبائی کے
نامِ آقا ہوا جو لب سے غلاموں کے بلند
بالا بالا گئے غم آفتِ بالائی کے
عرش پہ کعبہ و فردوس و دلِ مومن میں
شمع اَفروز ہیں اِ ّکے تری یکتائی کے
ترے محتاج نے پایا ہے وہ شاہانا مزاج
اس کی گدڑی کو بھی پیوند ہوں دارائی کے
اپنے ذَرَّوں کے سیہ خانوں کو روشن کر دو
مہر ہو تم فلکِ انجمن آرائی کے
پورے سرکار سے چھوٹے بڑے اَرمان ہوں سب
اے حسنؔ میرے مِرے چھوٹے بڑے بھائی کے
شاعر کا نام :- حسن رضا خان
کتاب کا نام :- ذوق نعت
Parday jis waqt uthain jalwa-e-zebai ke
Woh nigehban rahain chashm-e-tamnai ke
Dhoom hai farsh se ta arsh teri shaukat ki
Khatbe hotay hain jahanbani o daraai ke
Husn rangeeni o tal’at se tumhare jalwe
Gul o aaeena bane mehfil o zebai ke
Zarra-e-dasht-e-Madīne ki ziya mehr kare
Achhi sa’at se phirain din shab tanhai ke
Pyar se le liye aaghosh mein sar rehmat ne
Payee in’am tere dar ki jabeen sai ke
Laash ahbaab isi dar par pari rehne dein
Kuch to armaan nikal jayen jabeen sai ke
Jalwa-e-gar ho jo kabhi chashm tamnai mein
Parday aankhon ke hon parday teri zebai ke
Khaak-e-pamaal hamari bhi pari hai sar-e-rah
Sadqe ae rooh-e-rawan teri misaaai ke
Kyoon na woh toote dilon ke khindar aabaad karen
Ke dikhane hain kamaal anjuman aaraai ke
Zeenatton se hain haseenan-e-jahan ki zeenat
Zeenaten paati hain sadqe teri zebai ke
Naam-e-aqa hua jo lab se ghulamon ke buland
Baala baala gaye gham aafat-e-balaai ke
Arsh pe Kaaba o firdous o dil-e-momin mein
Shama afroz hain ikke teri yaktai ke
Tere mohtaaj ne paya hai woh shahaanā mizaaj
Is ki gadri ko bhi pewand hon daraai ke
Apne zarraon ke siyah khanon ko roshan kar do
Mehr ho tum falak-e-anjuman aaraai ke
Pore sarkar se chhotay bare armaan hon sab
Ae Hasan mere mere chhotay bare bhaai ke
دیگر کلام
Popular Posts
