سلام اس پر کہ جس نے بے کسوں کی دستگیری کی
سلام اس پر کہ جس نے بادشاہی میں فقیری کی
سلام اس پر کہ جس کے گھر میں چاندی تھی نہ سونا تھا
سلام اس پر کہ ٹوٹا بوریا جس کا بچھونا تھا
آقا لے لو سلام اب ہمارا
صبا تو مدینے جاکے کہنا خدارا
گم سے ہیں ٹوٹے ہوۓ، ظلموں سے لوٹے ہوۓ،
مدّت ہوئی یا نبی، قسمت سے روٹھے ہوئے،
روزے مہشر میں امتی کا آپ ہی سہارا
غم سے ہیں ٹوٹے ہوئے، اسیاں میں ڈوبے ہوئے
کر دو کرم یا نبی ! ہیں ہاتھ پھیلے ہوئے
روزِ محشر امتی کا آپ ہی سہارا
چاند کے ٹکڑے کئیے، پیڑوں نے سجدے کئیے،
سورج پلٹ آگیا، یہ موجزے آپ کے،
امتی کیا خد خدا ہے شیدہ تمہارا
نورِ خدا آپ ہیں، شاہِ ہدیٰ آپ ہیں
اے سرورِ انبیا ! بہرِ سخا آپ ہیں
ہے یہ عظمت رب نے تم پر قرآں اتارا
دن رات روتی ہیں، امّت تمہارے لئیے،
ہو جائے نظرے کرم، آقا ہمارے لئیے،
طیبہ کی ان گلیوں کا کب ہوگا نظارہ
سب امبیہ کے امام، تم پر ہو لاکھوں سلام،
روزے پر اے مجید، کہتا ہے یہ صبح و شام،
زندگی میں آس کا نہ ٹوٹے ستارہ
سلام اس پر کہ جس نے بے کسوں کی دستگیری کی
سلام اس پر کہ جس نے بادشاہی میں فقیری کی
سلام اس پرکہ اسرارِ محبت جس نے سکھلائے
سلام اس پر کہ جس نے زخم کھا کر پھول برسائے
سلام اس پر کہ جس نے خوں کے پیاسوں کو قبائیں دیں
سلام اس پر کہ جس نے گالیاں سن کر دعائیں دیں
سلام اس پر کہ دشمن کو حیاتِ جاویداں دے دی
سلام اس پر، ابو سفیان کو جس نے اماں دے دی
سلام اس پر کہ جس کا ذکر ہے سارے صحائف میں
سلام اس پر، ہوا مجروح جو بازارِ طائف میں
سلام اس پر، وطن کے لوگ جس کو تنگ کرتے تھے
سلام اس پر کہ گھر والے بھی جس سے جنگ کرتے تھے
سلام اس پر کہ جس کے گھر میں چاندی تھی نہ سونا تھا
سلام اس پر کہ ٹوٹا بوریا جس کا بچھونا تھا
سلام اس پر جو سچائی کی خاطر دکھ اٹھاتا تھا
سلام اس پر، جو بھوکا رہ کے اوروں کو کھلاتا تھا
سلام اس پر، جو امت کے لئے راتوں کو روتا تھا
سلام اس پر، جو فرشِ خاک پر جاڑے میں سوتا تھا
سلام اس پر جو دنیا کے لئے رحمت ہی رحمت ہے
سلام اس پر کہ جس کی ذات فخرِ آدمیت ہے
سلام اس پر کہ جس نے جھولیاں بھردیں فقیروں کی
سلام اس پر کہ مشکیں کھول دیں جس نے اسیروں کی
سلام اس پر کہ جس کی چاند تاروں نے گواہی دی
سلام اس پر کہ جس کی سنگ پاروں نے گواہی دی
سلام اس پر، شکستیں جس نے دیں باطل کی فوجوں کو
سلام اس پر کہ جس کی سنگ پاروں نے گواہی دی
سلام اس پر کہ جس نے زندگی کا راز سمجھایا
سلام اس پر کہ جو خود بدر کے میدان میں آیا
سلام اس پر کہ جس کا نام لیکر اس کے شیدائی
الٹ دیتے ہیں تختِ قیصریت، اوجِ دارائی
سلام اس پر کہ جس کے نام لیوا ہر زمانے میں
بڑھادیتے ہیں ٹکڑا، سرفروشی کے فسانے میں
سلام اس ذات پر، جس کے پریشاں حال دیوانے
سناسکتے ہیں اب بھی خالد و حیدر کے افسانے
درود اس پر کہ جس کی بزم میں قسمت نہیں سوتی
درود اس پر کہ جس کے ذکر سے سیری نہیں ہوتی
درود اس پر کہ جس کے تذکرے ہیں پاک بازوں میں
درود اس پر کہ جس کا نام لیتے ہیں نمازوں میں
درود اس پر، جسے شمعِ شبستانِ ازل کہئے
درود اس ذات پر، فخرِ بنی آدم جسے کہئے