Kya Hai Kisi Se Kaam Tumhein Dekhne Ke Baad
Sab Ko Mera Salaam Tumhein Dekhne Ke Baad
Koi Tabeeb Bhi Mera Karta Sada Ilaaj
Bas Aa Gaya Araam Tumhein Dekhne Ke Baad
Jalwa Kisi Ka Ho Ya Tajalli Kisi Ki Ho
Hai Dekhna Haraam Tumhein Dekhne Ke Baad
Jisko Bhi Tune Jaam E Muhabbat Pila Diya
Wo Kya Karega Jaam Tumhein Dekhne Ke Baad
Meri Raah E Hayaat Ke Dushwaar Marhale
Hal Ho Gaye Tamaam Tumhein Dekhne Ke Baad
Sajda Karun Toh Kufr Hai Na Sajda Karun Toh Kufr
Aaya Hai Woh Makaam Tumhein Dekhne Ke Baad
Sajda Jarun Ke Nakshe Kadam Choomta Rahun
Ghar Kaaba Bann Gaya Hai Tumhein Dekhne Ke Baad
Ham Aa Ke Tere Shehar Se Waapis Na Jaayenge
Yeh Faisla Kiya Hai Tumhein Dekhne Ke Baad
Lakhon Haseen Saamne Aaye Nigah Na Ki
Ankhon Ko See Liya Hai Tumhein Dekhne Ke Baad
Sajda Tha Sang E Dar Pe Tere Sar Tha Arsh Par
Aisi Padi Namaaz Tumhein Dekhne Ke Baad
Sajda Karunga Toh Mujhe Kaafir Kahenge Log
Yeh Kaun Sochta Hai Tumhein Dekhne Ke Baad
Mehmood Ka Ayaz Toh Bas Ek Hi Raha
Lakhon Banein Ayaz Tumhein Dekhne Ke Baad
Khoyi Hui Si Rehti Hai Har Waqt Ab Hi Na
Yeh Haal Ho Gaya Hai Tumhein Dekhne Ke Baad
*******************************************
************ Other Version ****************
Kese Sukoon Paon Tujhe Dekhne Ke Baad.
Ab Kia Ghazal Sunaon Tujhe Dekhne Ke Baad.
Awaaz De Rahi Hai Meri Zindagi Mujhe.
Main Jaon Ya Na Jaon Tujhe Dekhne Ke Baad.
Kaabay Ka Ehtaraam Bhi Meri Nazar Main Hai.
Sar Kis Taraf Jhukaon Tujhe Dekhne Ke Baad.
Teri Nigah-e-mast Ne Makhmor Kar Dia.
Kia Mai-kaday Ko Jaon Tujhe Dekhne Ke Baad.
Nazron Main Tab-e-deed Hi Baqi Nahi Rahi.
Kis Se Nazar Milaon Tujhe Dekhne Ke Baad.
Popular Posts
