تمہارا نام مصیبت میں جب لیا ہوگا
ہمارا بگڑا ہوا کام بن گیا ہوگا
گناہگار پہ جب لطف آپ کا ہوگا
کیا بغیر کیا بے کیا کیا ہوگا
خدا کا لطف ہوا ہوگا دست گیر ضرور
جو گرتے گرتے ترا نام لے لیا ہوگا
دکھائی جائے گی محشر میں شانِ محبوبی
کہ آپ ہی کی خوشی آپ کا کہا ہوگا
خدائے پاک کی چاہیں گے اَگلے پچھلے خوشی
خدائے پاک خوشی اُن کی چاہتا ہوگا
کسی کے پاؤں کی بیڑی یہ کاٹتے ہونگے
کوئی اَسیر غم ان کو پکارتا ہوگا
کسی طرف سے صدا آئے گی حضور آؤ
نہیں تو دَم میں غریبوں کا فیصلہ ہوگا
کسی کے پلہ پہ یہ ہوں گے وقت وَزنِ عمل
کوئی اُمید سے مونھ ان کا تک رہا ہوگا
کوئی کہے گا دُہائی ہے یَا رَسُوْلَ اللہ
تو کوئی تھام کے دامن مچل گیا ہوگا
کسی کو لے کے چلیں گے فرشتے سوئے جحیم
وہ اُن کا راستہ پھر پھر کے دیکھتا ہوگا
شکستہ پا ہوں مِرے حال کی خبر کر دو
کوئی کسی سے یہ رو رو کے کہہ رہا ہوگا
خدا کے واسطے جلد ان سے عرض حال کرو
کسے خبر ہے کہ دَم بھر میں ہائے کیا ہو گا
پکڑ کے ہاتھ کوئی حالِ دل سنائے گا
تو رو کے قدموں سے کوئی لپٹ گیا ہوگا
زبان سوکھی دکھا کر کوئی لب کوثر
جنابِ پاک کے قدموں پہ گر گیا ہوگا
نشانِ خسروِ دِیں دُور کے غلاموں کو
لوائے حمد کا پرچم بتا رہا ہوگا
کوئی قریب ترازو کوئی لبِ کوثر
کوئی صراط پر ان کو پکارتا ہوگا
یہ بے قرار کرے گی صدا غریبوں کی
مقدس آنکھوں سے تار اَشک کا بندھا ہو گا
وہ پاک دل کہ نہیں جس کو اپنا اَندیشہ
ہجومِ فکر و تردُّد میں گھر گیا ہوگا
ہزار جان فدا نرم نرم پاؤں سے
پکار سن کے اَسیروں کی دوڑتا ہوگا
عزیز بچہ کو ماں جس طرح تلاش کرے
خدا گواہ یہی حال آپ کا ہوگا
خدائی بھر انہیں ہاتھوں کو دیکھتی ہوگی
زمانہ بھر انہیں قدموں پہ لوٹتا ہوگا
بنی ہے دَم پہ دُہائی ہے تاج والے کی
یہ غل یہ شور یہ ہنگامہ جا بجا ہوگا
مقام فاصلوں پر کام مختلف اتنے
وہ دن ظہورِ کمالِ حضور کا ہوگا
کہیں گے اور نبی اِذْ ھَبُوْا اِلٰی غَیْرِیْ
مرے حضور کے لب پر اَنَا لَھَا ہوگا
دُعائے امت بدکار وِردِ لب ہوگی
خدا کے سامنے سجدہ میں سر جھکا ہوگا
غلام ان کی عنایت سے چین میں ہونگے
عدو حضور کا آفت میں مبتلا ہوگا
میں ان کے در کا بھکاری ہوں فضل مولیٰ سے
حسنؔ فقیر کا جنت میں بسترا ہوگا
شاعر کا نام :- حسن رضا خان
کتاب کا نام :- ذوق نعت
Read in Roman Urdu and Hindi
This text has been automatically translated into Roman Urdu and Hindi.
Our team is currently working to refine and perfect it.
Tumhara naam museebat mein jab liya hoga
Humara bigda hua kaam ban gaya hoga
Gunahgar pe jab lutf aap ka hoga
Kya baghair kya be kya kya hoga
Khuda ka lutf hua hoga dast geer zaroor
Jo girte girte tera naam le liya hoga
Dikhaai jaayegi Mahshar mein shan-e-mehboobi
Ke aap hi ki khushi aap ka kaha hoga
Khuda-e-Paak ki chaahenge agle pichle khushi
Khuda-e-Paak khushi un ki chahta hoga
Kisi ke paon ki beedi ye kaat’te honge
Koi aseer gham in ko pukarta hoga
Kisi taraf se sada aayegi huzoor aao
Nahi to dam mein ghareebon ka faisla hoga
Kisi ke palla pe ye honge waqt wazan-e-amal
Koi umeed se moonh in ka tak raha hoga
Koi kahe ga duhaai hai ya rasul Allah
To koi thaam ke daaman machal gaya hoga
Kisi ko le ke chalein ge farishte soye Jaheem
Wo un ka rasta phir phir ke dekhta hoga
Shikasta pa hoon mere haal ki khabar kar do
Koi kisi se ye ro ro ke keh raha hoga
Khuda ke wastay jald in se arz-e-haal karo
Kise khabar hai ke dam bhar mein haaye kya hoga
Pakad ke haath koi haal-e-dil sunayega
To ro ke qadmon se koi lipat gaya hoga
Zaban sookhi dikha kar koi lab e kowsar
Janab-e-Paak ke qadmon pe gir gaya hoga
Nishan-e-Khusrow-e-deen door ke ghulamoon ko
Lawa-e-Hamd ka parcham bata raha hoga
Koi qareeb tarazu koi lab e Kowsar
Koi Siraat par in ko pukarta hoga
Ye beqaraar karegi sada ghareebon ki
Muqaddas aankhon se taar ashk ka bandha hoga
Wo paak dil ke nahin jis ko apna andesha
Hajoom-e-Fikr o tardud mein ghar gaya hoga
Hazaar jaan fida narm narm paon se
Pukaar sun ke aseeroon ki daudta hoga
Azeez bacha ko maan jis tarah talash kare
Khuda gawah yahi haal aap ka hoga
Khudai bhar inhein haathon ko dekh rahi hogi
Zamana bhar inhein qadmon pe loota hoga
Bani hai dam pe duhaai hai taj waale ki
Ye ghal ye shor ye hungama ja baja hoga
Maqam faaslon par kaam mukhtalif itne
Wo din Zahoore Kamal-e-Huzoor ka hoga
Kahenge aur Nabi idh habo ila ghayri
Mere huzoor ke lab par Ana laha hoga
Dua-e-Ummat badkar wird-e-Lab hogi
Khuda ke samne sajda mein sar jhuka hoga
Ghulam in ki inayat se chain mein honge
Adu huzoor ka aafat mein mubtala hoga
Main un ke dar ka bhikari hoon fazl-e-Maula se
Hasan faqeer ka jannat mein bastara hoga
دیگر کلام
اللہ اللہ شہِ کونین جلالت تیری
باغِ جنت میں نرالی چمن آرائی ہے
پرنور ہے زمانہ صبحِ شبِ وِلادت
پردے جس وقت اُٹھیں جلوۂ زیبائی کے
تصور لطف دیتا ہے دہانِ پاک سروَر کا
ترا ظہور ہوا چشم نور کی رونق
تیرے دَر پہ ساجد ہیں شاہانِ عالم
تم ذاتِ خدا سے نہ جدا ہو نہ خدا ہو
تم ہو حسرت نکالنے والے
ساقی کچھ اپنے بادہ کشوں کی خبر بھی ہے