Baya’n kya kare koi azmat ali ki -منقبت پاک
منقبت پاک
———————————
بیاں کیا کرے کوئی عظمت علی کی
نبی کی زباں پر ہے مدحت علی کی
مرا دل نہ کیوں کر کرے ذکر حیدر
رگوں میں بسی ہے محبت علی کی
اکھاڑا ہے اک آن میں باب خیبر
ہے دنیا میں یکتا شجاعت علی کی
انھیں اپنے بستر پہ شہ نے سلایا
ہے کس اوج پر دیکھو قسمت علی کی
یہ فرمان ہے شاہ جن و بشر کا
کہ تکنا عبادت ہے صورت علی کی
زمین و زماں میں ہے ڈنکا علی کا
مکین و مکاں میں ہے شہرت علی کی
فصاحت ،بلاغت ہے خود جس پہ قرباں
ہے ایسی نرالی خطابت علی کی
انھیں اپنا بھائی کہا مصطفیٰ نے
شہ دیں سے ایسی ہے قربت علی کی
کوئی ان کے در سے نہیں جاتا خالی
مثالی ہے جگ میں سخاوت علی کی
جو محشر میں ولیوں کی محفل سجے گی
تو ہوگی یقیناً صدارت علی کی
معطر ہوا جس سے باغ تصوف
اے سیف حزیں ہے وہ نکہت علی کی
WRITER – سیف قادری الہ آبادی
Popular Posts
Dariya Hai Hamara Noha LyricsDariya Hai Hamara Noha Lyrics Dariya pe jo pahuncha asadullah ka...2,350 views
Naseebon Ko Jagaya Hai Ali Ne lyricsNaseebon Ko Jagaya Hai Ali Ne lyrics Naseebon Ko Jagaya...926 views
Bazm-e-Jahan Me Main Bhi Hun Ae Shama Dardmand LyricsBAZM-E-JAHAN ME DHOOM HAI MATAM HUSSAIN KI.. YAROO YE GHAM FAZA HAI...817 views
Dil Ko Unse Khuda Juda Na Kare Naat Lyrics With Tazmeen | Barkate RazaDil Ko Unse Khuda Juda Na Kare Naat Lyrics With Tazmeen ...524 views